Бизнис
ВО ГЕРМАНИЈА Е РЕГИСТРИРАН НАЈВИСОК БРОЈ НА СТЕЧАИ
11.10.2024
Бројот на затворање на фирми во Германија достигна рекордно ниво. Бројот на банкротирани фирми во третиот квартал годинава е најголем од периoдот од 2010 година.
- Причините за затворањето на фирмите се поради слабоста на германската економија и дополнителните ефекти од кризата со пандемијата на Ковид-19, изјави Штефен Милер од Институтот за економски истражувања во Хале.
Милер појасни дека во време на пандемијата бројот на несолвентни компании беше „вештачки понизок“, бидејќи владата ги помагаше компаниите да опстанат. Многу од овие претпријатија сега се соочуваат со реални проблеми, пренесува агенцијата ДПА.
Во третиот квартал во економските судови се регистрирани 3.991 стечајни постапки за фирми и акционерски друштва.
Последен пат најмногу банкроти имало во вториот квартал во 2010 година и изнесува 4.071 стечај, поради последиците од финансиската и економската криза од 2008/2009 година.
Годинава најголем пораст на несолвентни компании има во покраините Баварија (раст од 56 отсто) и во Баден-Виртемберг (42 отсто). По сектори најмногу стечаи има во услушните фирми, а кај фирмите за недвижности или станови регистрираните стечаи се повисоки за 69 отсто, пренесува Б92.
фото freepic