Бизнис
ГЛУМЦИ, ПОЛИТИЧАРИ, СПОРТИСТИ И ЈАВНИ ЛИЧНОСТИ НЕМА ДА СМЕАТ ДА РЕКЛАМИРААТ ИГРИ НА СРЕЌА, ова е содржано во предлог измените на Законот за огласување во Србија
07.10.2024
Глумци, пеjачи, политичари, уметници, инфлуенсери, спортисти и други јавни личности нема да смеат да ги рекламираат обложувалниците и другите фирми за посебни игри на среќа. Ова се предвидува во измените и дополнувањата на Законот за огласување, чиј нацрт текст се наоѓа на јавна расправа во Србија.
Во предложениот закон за игри на среќа се прави разлика меѓу класичните игри на среќа (лото, среќни лозови, бинго, томбола) и другите посебни игри на среќа во кои се игрите со карти (покер, блекџек) и од игрите на автоматите, како и обложувањето на спортски и други настани.
Со нацрт законот се измените и дополнувањата на Законот за огласување се забранува рекламирање на класичните ирги на среќа на отворени површини, освен на места кои се оддалечени сто метри од разни образовни установи, здравствени и институции наменети за деца и малолетници.
Обложувалниците нема да можат да се рекламираат на отворени површини и во автобуси, такси возила и во сите други возила. Ова се однесува и на рекламни паноа, билборди, плакати, дисплеи, светлечи реклами и сл.
Исклучок за огласување има кога обложувалниците и другите приредувачи на игри на среќа можат да рекламираат игри кои се однесуваат на спортските терени и тоа за време на спортскиот настан, а кои се спонзоирани или во случај на спонзорирање на играчи.
Забраната за рекламирање ќе се однесува и на сите телевизии и програмите кои се емитуваат на националните фрекфренции и на кабловските телевизиски канали, освен за време на преносот на спортските настани но во определени временски рокови. Односно 30 минути пред и по преносот на спортскиот настан и тоа најмногу до 10 огласени пораки во траење од најмногу 30 секунди за една огласена порака, пренесува Н1.
фото freepic