Во Србија во вториот квартал годинава највисока цена за станови е постигнат на локацијата Белград на вода и таа изнесува 9.125 евра за метар квадратен. Најголема сума исплатена за стан со вкупна површина од 145 метри квадратни изнесува 955 илјади евра кој е продаден на истата локација, соопштија од Републичкиот геодетски завод.

Најскапа куќа во Србија е продадена во белградската општина Савски Венац за 1,5 милиони евра, додека за најскапото паркинг место е платено 60.000 евра.

Во вториот квартал годинава во Србија се евидентирани 30.837 купопродажни договори или 0,6 отсто повеќе од истиот период лани. Вкупниот промет на пазарот на недвижности  изнесува 1,8 милијарди евра, што е повисоко за 8,2 отсто.

Околу десет отсто од извршениот промет на недвижности се финасирани со кредити, што е зголемување од три отсто во однос на претходната година. Од продадените станови 23 отсто буле купени на кредит, а минатата година овој процент изнесувал 16,5 отсто, пренесува „Форбс.рс“.

фото freepic