Малопродажните цени на чоколадото во изминатите месеци драстично зе зголемија и за едно големо пакување треба да се издвои повеќе од пет евра во продавниците во Подгорица, Сараево или Белград,

Во главните градови на БиХ, Србија и Црна Гора цените се движат од 1,25 евра за помало чоколадо на познат странски производител во продавниците во Сараево, до шест евра  во Подгорица за чоколадо од 270 грама кое е увезено од Хрватска.

Цените на овој кондиторски производ драстично се зголемија во продавиниците поради растот на вредноста на какаото која достигнува рекордно ниво на светските пазари. Високите цени се должат на послабите приноси на плантажите со какао, поради лошите временски услови кај најголемите проиводители од западна Африка.  

Во април годинава беше постигната најголема цена за какаото од 12.000 долари, според податоците на Меѓународната организација за какао (ИЦЦО). Деновиве цената на какаото е поголема од шет илјади долари за еден тон и таа е повисока за сто отсто во однос на минатата година.

Во изминатата година чоколадото беше под влијание на „шринкфлацијата“, односно производителите ја намалуваа грамажата на едно пакување за да ја задржат истата цена. Така, вообичаената табла на чоколадо од 100 грама беше намалена на 90 грама или 80 грама, а цената остана непроменета, пишува „Бизнис.ба“.

фото freepic