Бизнис
ГЕРМАНСКИ ИНВЕСТИТОР ЌЕ ВЛОЖУВА ВО АЕРОДРОМОТ ВО БЕРАНЕ, само се чека на согласноста од Владата на Црна Гора
04.10.2024
Германска компанија ќе инвестира во реконструкција на аеродромот во Беране и само се чека на согласноста од Владата на Црна Гора. Инвеститорот Мајк Штајнмилер, кој е во преговори веќе четири години, изјавил дека направената студија е изводлива, обезбедени се и финансии, но се чека на „зелено светло“ од властите во Подгорица.
Според неговите очекувања, на аеродромот ќе бидат вработени три илјади работници, а најниската плата ќе изнесува 1.500 евра.
- Студијата за изводливост е завршена и има позитивни оцени. Се надеваме до следната пролет да почнеме со реактивирање на аеродромската зграда. Финансиите се подготвени, чекаме на конечното одобрување за реализација на проектот, соопшти Штајнмилер.
По одобрувањето на проектот ќе биде изградена и апартманска населба кои ќе им бидат понудени на сегашните сопственици на стотина куќи кои се во близина на аеродромската писта и кои треба да се дислоцираат, пренесува „Бизнис.рс“.
фото freepic