Бизнис
НОВ ИЗВЕШТАЈ КОЈ СЕ ОДНЕСУВА НА ЧОВЕЧКИОТ КАПИТАЛ ВО МАКЕДОНСКИТЕ КОМПАНИИ: РЕШЕНИЈА ЗА ПРОНАОЃАЊЕ, НАГРАДУВАЊЕ, ЗАДРЖУВАЊЕ И РАЗВИВАЊЕ НА КВАЛИФИКУВАНА РАБОТНА СИЛА
03.10.2024г
Новиот извештај насловен: “Предизвикот за човечкиот капитал - како да се најде, награди, задржи и развие квалификувана работна сила” беше претставен на 16-тата меѓународна годишна конференција на Македонската асоцијација за човечки ресурси. Тој нуди критички сознанија и акциски стратегии за справување со недостигот на квалификувани работници. Со оглед на тоа што 70% од компаниите пријавиле потешкотии во пронаоѓањето на квалификуван кадар, во извештајот се нагласуваат 88 решенија користени од останатите 30% од компаниите кои успеваат да ги надминат овие предизвици.
Овој извештај беше инициран и подготвен од Јоханес Хајдекер, советник на премиерот и Дарко Петровски, основач на Талент бизнис инкубатор Степ-ап како HU-CA-Thon и се разви од група од над 50 професионалци за човечки ресурси во соработка со Македонската асоцијација за човечки ресурси, билатералните стопански комори на Австрија, Белгија, Бугарија, Велика Британија, Холандија и Стопанската комора на Северо-западна Македонија. Ова е за првпат голема група на повеќе комори да соработуваат за да истражат ефективни методи за пронаоѓање и задржување на талентите на пазарот на труд кој рапидно се менува. HU-CA-Thon претставува нов начин за изнаоѓање решенија преку собирање на најдобри практики од широк опсег на учесници и споделување со широк опсег на засегнати компании. Се понуди и сега останува на секоја компанија да ги избере најсоодветните методи за своите лични проблеми.
Kлучни заклучоци од извештајот:
- Нема недостиг, туку погрешна распределба: Наспроти популарното верување, нема недостиг на луѓе во Македонија. Проблемот лежи во неусогласеноста меѓу групите на вештини и достапните работни места, како и во недостатокот на мобилност за вклучување на пазарот на труд. Неусогла-сеноста меѓу понудата за образование и побарувачката во индустријата го зголемува јазот.
- Mодерни тактики за регрутирање: Извештајот покажува дека успешните компании ги надминале традиционалните методи како огласите за вработување. Наместо тоа, тие им приоѓаат на кандидатите преку социјалните мрежи како LinkedIn и Instagram, како и преку соработка со училишта и универзитети. Компаниите се охрабруваат проактивно да допрат до кандидатите, користејќи практиканство, стипендирање, саеми за вработување и соработка со универзитети.
- Современите системи за наградување не се потпираат само на основната плата. Тие се состојат од комбинација на додатоци за успешност кои се резултат на квалитетот и тимските постигнувања, како и на придобивки кои се движат од приватно здравствено осигурување до советодавна помош и грижа за децата.
- Организациската култура е клучна: Извештајот нагласува дека вработените не ги напуштаат компаниите - тие ги напуштаат лошите работни средини. За да ги задржат талентите, компаниите мора да инвестираат во позитивна организациска култура, нудејќи дополнителни активности покрај конкурентните плати, како што се флексибилни работни услови, настани за градење тимови и добра комуникација со своите вработени. Задоволството на вработените треба да се следи и да се споредува со конкурентите.
- Инвестиции во развој: Многу кандидати не ги поседуваат сите потребни вештини кога се вработуваат. Извештајот ги нагласува методите за обука на вработените, од микроучење до учење во групи.
„Овој извештај покажува дека компаниите кои успеваат на денешниот конкурентен пазар се токму тие кои напредно размислуваат за тоа како ги привлекуваат и задржуваат своите работници. Со вистинската комбинација на регрутирање со непосреден пристап, развој на вработените и силна организациска култура, бизнисите можат да изградат квалификувана и лојална работна сила,” изјавува Дарко Петровски, претседател на Македонската асоцијација на човечки ресурси.