Бизнис
ОД ФЕСТИВАЛОТ ЕXIT ОСТВАРЕН ДЕВИЗЕН ПРИХОД ОД НАД 270 МИЛИОНИ ЕВРА
02.10.2024
Музичкиот фестивал EXIT во 2024 година донесе значителен приход за економијата на Нови Сад во износ од 23,7 милиони евра, а вкупниот финансиски ефект од основањето на оваа манифестација достигна над 270 милиони евра. Ова се податоците од истражувањето на „ТИМ Центар“ од Нови Сад, кое се реализира секоја година во текот на траењето на фестивалот. Во истражувањето се опфатени посетители од Србија, регионот и од странство.
Во јули годинава на EXIT се собраа повеќе од 210.000 посетители од 120 земји. Од странство биле околу 67 отсто од посетителите, а 83,3 отсто изјавиле дека во Нови Сад дошле само заради музичкиот фестивал. Најбројни биле гостите од: Унгарија, Германија, Турција, Русија... но имало и од Мексико, Австралија, Аргентина, Индија и Сенегал.
Во текот на престојот во Нови Сад и во Србија секој посетител на фестивалот во просек потрошил 592 евра, што е зголемување од 25 евра во однос на минатата година. Туристите од западна Европа трошеле во просек по 832 евра, а на посетителите од источна Европа трошеле по 688 евра или зголемување од 64 евра . Гостите надвор од Европа трошеле во просек 981 евро, или 88 евра повеќе на едно лице во споредба со минатата година.
Од анкетираните лица 87 отсто изјавиле дека EXIT позитивно влијаел на нивното ментално здравје. Годинашното истражување покажало дека секој посетител дневно користел телефон во просек 4,6 часа, што укажува на степенот на „дигиталната зависност“ на посетителите за време на фестивалот, а тоа ја наметнува потребата за огранизаторите да рабоитат на подобрување на телефонските врски со светот, пренесува„Курир“.
фото freepic