Проектот за „заклучени цени“ што го спроведуваат Федералното министерство за трговија и Здруженијата на работодавачи на ФБИХ продолжува до крајот на годината. Со овој четврти круг на  акцијата се продолжува намалувањето и заклучувањето на цените за 56 прехранбени и хигиенски производи.  

Федералниот министер за трговија Амир Хасичевиќ ја поздрави оваа иницијатива и изјави дека работодавачите и овој пат „покажале општествена одговорност“, посебно кон најранливите категории на граѓани. Ова намалување го прават доброволно наспроти фактот дека има значајно стабилизирање на цените на пазарот.

- Листата на производи е корегирана во однос на минатиот период и вклучивме и други артикли и веруваме дека ќе влијаеме на подобрување на животот на дел од граѓаните, како што се пензионерите и работниците со ниски приходи, соопштија од Здруженијата на работодавачи на ФБИХ.

Проектот „заклучени цени“ почна на 15 декември 2023 година, кога беше договорено во период од три месеци да се намалат цените на 40 прехранбени и други производи. Во вториот круг на акцијата од почетокот на февруари годинава бројот на производи се зголеми на 50+, а на листата беа додадени и производи кои ги користат лицата заболени од шеќерна болест, пренесе „Бизнис.ба“.

фото freepic