Бизнис
ЦЕНАТА НА НИВИТЕ ВО ХРВАТСКА ПОРАСНАЛА ЗА 791 ЕВРО ЗА ХЕКТАР
28.09.2024
Просечната цена на купена ораница во Хрватска минатата година изнесуваше 4.491 евро по хектар, а тоа е за 791 евро повеќе од една година претходно, објави Државниот завод за статистика.
Во 2023 година се зголемила просечната цена за пасиштата за 241 евро и цената е 3.153 евра за хектар. Цената за ливадите изнесува 2.625 евра по хектар или за 256 евра повеќе во однос на една година порано.
Во панонскиот регион на Хрватска просечната цена на ораниците изнесува 4.602 евра по хектар, за ливадите 2.044 евра по хектар и за пасиштата цената е 2.109 евра.
Просечната цена на купените ораници во јадранскиот дел на Хрватска изнесува 6.415 евра за хектар или за 1.213 евра повеќе од 2022 година. Ливадите се продаваат за 2.894 евра за хектар, а пасиштата 3.427 евра за хектар, пренесе „Сеебиз“.
фото freepic