Од Србија на годишно ниво во последната деценија  трајно заминуваат повеќе од 25.000 луѓе. Од друга страна, во земјата во првите седум месеци годинава се издадени околу 50 илјади работни дозволи за странски работници, најмногу од Кина, Русија и Турција.

- Состојбата во Србија се подобри кога станува збор за бројот на невработените. Пазарот на трудот во 2008 година и сега не може да се спореди. Тогаш имавме речиси милион невработени, а сега имаме 296.000 невработени лица, од нив повеќето се привремено  невработени, кои се во фаза на менување на работата, вели Ненад Јевтовиќ, директор на Институтот за развој на иновации, во врска со направеното истражување „Мобилност на работната сила во Србија“.

Според него, проблемот  за Србија е што од 2017 година е избран моделот на раст кој се базира на градежништвото.

- Ова е како да сме избрале да возиме автомобил на дизел, а не располагаме со сопствено гориво и мораме да увезуваме. Значи, избравме модел базиран на изградба, а ние немаме работна сила  за градежни проекти, изјави Јевтовиќ, во разговор за „Данас“.

фото freepic