Бизнис
ВО ЈУЛИ ЗА ПРВПАТ ПОРАСНАЛА РАЗМЕНАТА МЕЃУ РУСИЈА И ЕУ, Германија е најголем трговски партнер на Русија
20.09.2024
Трговската размена меѓу Русија и Европската Унија во јули годинава пораснала за прв пат од ноември минатата година и надмина над шест милијарди евра, покажуваат информациите на РИА Новости врз основа на податоците на Евростат.
На месечно ниво билатералната трговија меѓу Русија и ЕУ во јули се зголеми за 23 отсто на вкупно 6,03 милијарди евра. Ова е најголема вредност во меѓусебната размена од јануари годинава, кога изнесуваше 6,09 милијарди евра.
Рускиот извоз во ЕУ на месечно ниво порасна за 21 отсто на три милијарди евра, додека ЕУ го зголеми извозот во Русија за 24,5 отсто на 3,03 милијарди евра.
Трговската размена меѓу Русија и Финска во јули се зголеми за 3,1 пати на 226 милиони евра, со Хрватска за 2,7 пати на 58 милиони евра и со Романија за 2,6 пати на 41 милион евра.
Најголем трговски партнер на Русија во Европската Унија во јули била Германија со вредност од 836 милиони евра, пренесува НИН.
фото freepic