Бизнис
БРАЗИЛ УРИВА РЕКОРДИ ВО ПРОИЗВОДСТВО И ИЗВОЗ НА ГОВЕДСКО, ПИЛЕШКО И СВИНСКО МЕСО
18.09.2024
Бразилското производство на говедско месо годинава ќе достигне рекордно ниво благодарение на зголемениот извоз и на стабилната домашна потрошувачка. Бразил е најголем производител во светот на говедско месо и годинава ќе достигне 10 милиони метрички тони или за 7,5 отсто повеќе од лани. Ова ќе биде највисоко историско производство на говедско месо во домашните преработувачки капацитети, објави државната управа за храна Конаб.
Следната година извозот на говедско месо ќе порасне за седум отсто и ќе достигне 3,66 млиони тони.
Во 2025 година ќе биде зголемено и производството на пилешко месо за над два отсто, на рекордни 15,5 милиони тони. Извозот на пилешко месо ќе порасне на 5,2 милиони тони. Бразил е и најголемиот извозник на пилешко месо. Раст ќе има и кај производството на свинско месо за 1,6 отсто и ќе достигне нов рекорд од 5,45 милиони тони. Извозот треба да порасне за двапати на 1,27 милиони тони. За добрите резултати во производството и извозот на месо од Бразил влијае и послабата вредност на националната валута, пренесува „Сеебиз“.
фото freepic