Бизнис
БИХ ЗА УВОЗ НА ФЛАШИРАНА ВОДА ПОТРОШИЛА 102 МИЛИОНИ ЕВРА, водата во БиХ се увезувала и од Бразил, Северна Кореја и Тајван
15.09.2024
Во Босна и Херцеговина за осум месеци годинава се потрошени околу 102 милиони евра за увоз на вода за пиење во шишиња. Според податоците на Управата за индиректно оданочување, во БиХ од јануари до крајот на август се увезени 166,64 милиони литри вода. Минатата година во истиот период се увезени 151,73 милиони литри во вредност од 91 милиони евра.
Најмногу вода во шишиња се увезени од Србија и Хрватска, а имало увоз и од Бразил, Северна Кореја и Тајван.
Причината за зголемениот увоз на вода беше топлото време во БиХ, а граѓаните најмногу купувале вода во пакувања од пет и повеќе литри, објави „Гласот на Српска“.
Во истиот период растел и извозот на вода од БиХ и за истиот период се извесени 95,60 милиони литри вода во вредност од 27 милиони евра.
фото freepic