Бизнис
ИТАЛИЈА БАРА РЕВИЗИЈА НА ЗАБРАНАTA НА ВОЗИЛАТА СО ВНАТРЕШНО СОГОРУВАЊЕ, италијанските власти се загрижени за состојбата во европската автомобилска индустрија
14.09.2024
Италија изразува загриженост околу пазарот на електрични автомобили и побарала од Европската Унија да ја преиспита одлуката дали да продолжи со законот за забрана на моторите со внатрешно согорување од 2035 година. Состојбата на глобалниот пазар на автомобили значително се менува, а повеќе познати автомобилски брендови најавија ревизија на своите стратешки планови за преминување на електрични автомобили.
Италијанскиот министер за енергетика Гилберто Фратин ја нарече мерката на ЕУ за „апсурдна“ , која според него е втемелена на „идеолошка визија“. Со оваа изјава, тој сугерираше на потребата од прилагодување на правилата на пазарната реалност и знаците за забавување на европската автомобилска индустрија.
Министерот за индустрија Адолфо Урсо предупреди на неизвесноста со која се соочува германската автомобилска индустрија и препорачува „јасно делување“ за да се избегне колапсот на европската индустрија.
- Идеолошката визија потклекна и Европа мора да усвои прагматичен пристап, изјавил Урсо.
Законот на Европската Унија предвидува новите автомобили кои ќе се продаваат од 2035 година да бидат без CO2, што значи забрана на продажбата на возилата со фосилни горива, но остава отворена врата за користење на синтетичките горива. Владата на италијанската премиерка Џорџа Мелони се залага за постепена транзиција и поголема слобода на земјите во изборот на сопствени технологии во процесот на декарбонизација. Италијанските власти не се против електричните автомобили, но сметаат дека тие треба да се користат во поширока комбинација и на други видови возила, пренесува „Сеебиз“.
фото freepic