Бизнис
ПОВЕЌЕ ГРАНКИ ВО СЛОВЕНИЈА ИЗЛОЖЕНИ НА ЗГОЛЕМЕН РИЗИК, словенечките производни претпријатија се борат со зголемени залихи и пад на побарувачката
14.09.2024
Повеќето стопански гранки во Словенија се соочени со зголемен економски ризик, а меѓу поизложените се автомобилската, земјоделско-прехранбената и машинската. Зголемен ризик е забележан и во градежништвото, фармацијата, електрониката, транспортот и индустријата за хартија и метал, покажало истражувањето на кредитно осигурителните друштва Акредиа и Алианс Треид.
Глобалниот економски раст во земјата се стабилизира во првата половина на 2024 година, но производните претпријатија се борат со зголемени залихи и пад на побарувачката.
- Во нашите анализи се издвојуваат три тренда. Индустријата се соочува со ниска побарувачка и ограничени можности на неа да се влијае со прилагодување на цените, индустрии кои се соочуваат со потешкотии во снабдувањето и индустрии кои целосно заздравуваат, изјави Михаел Колб, од истражувачкиот тим.
Ниедна индустрија во Словенија не е рангирана во групата на високоризични, но кај повеќето постои зголемен ризик. Само шест индустрии се изложени на средно ниво на ризик, а ниедна не е евидентирана како нискоризична, се наведува во спроведеното истражување, пренесува „Сеебиз“.
фото freepic