Производството на литиум во светот порасна за седум пати во последните десет години, од 30.400 на 198.000 метрички тони минатата година, покажуваат податоците на Статистичкиот извештај за светската енергија во 2024 година. Зголемената побарувачка на литиумот се должи на неговата примена во производство на батерии за електрични автомобили.

Најголеми производители на литиум се Австралија со 86.000 метрички тони во минатата година и со учество од 43,4%  вкупното глобално производство. Чиле произведува  56.500 тони и учество од 28,5%. На трето место е Кина со минатогодишно производство од 33.000  тони  (16,7%).

Минатата година најголема стапка на раст на производството на литиум имаше Зимбабве со 230 отсто, но оваа змеја имаше и ниско ниво на производство од 1.000 тони во 2022 година и 3.400 тони минатата година.

Нови играчи на литиумскиот пазар се Бразил и Аргентина. Растот на производството на Бразил беше  86,3 отсто од 2.600 на 4.900 тони.  Лани, Аргентина произведе повеќе литиум за 50,5 отсто од 6.400 на 9.600 тони.

Меѓу големите производители е и САД, која пронајде поголеми резерви на литиум. Но земјата во последните десет години бележи пад во производството на овој метал, објави „Форбс.рс“.

фото freepic