Бизнис
„ГЕРМАНИЈА ЖИВЕЕ НА РЕЗЕРВА“, на над илјада постари мостови во Германија им е потребна итна санација
13.09.2024
Во Германија на над илјада мостови, кои се постари од сто години, им е потребна итна санација. По уривањето на дел од мостот Каролa во Дрезден, германските експерти предупредуваат на многу лошата состојба во која се наоѓаат слични инфраструктурни објекти во Германија, пишува „Дојче веле“.
Во суштина, сите мостови кои се изградени пред 1980 година се проблематични. Државата мора да реагира. Дрезден јасно покажува дека состојбата е многу критична, изјави Мартин Мертенс, од Универзитетот во Бохум.
Германското здружение на градовите и општините апелира на „офанзивно вложување во инфраструктурата“, поради лошата состојба на мостовите.
- На општините им недостастува пари за итни и потребни реновирања. Уривањето на мостот Каролин во Дрезден шокантно и јасно покажува дека Германија живее на резерва, изјави генералниот директор Андре Бергегер.
Федералниот министер за сообраќај Фолкер Фисинг изјави дека следната година повеќе од девет милијарди евра ќа бидат наменети за вложување во сојузни патишта и мостови. За уривањето на мостот во Дрезден, министерот изјави дека тоа е „одговорност на општината и тоа не е поврзано со сојузниот буџет“.
Во средата вечерта, дел од стотина метри долгиот мост падна во реката. Преку овој мост поминуваат шините за трамвај и пешачки и велосипедски патеки. Причината оваа хаварија е корозијата но и послабата носивост на мостот кој е граден во друго време, кога имало помало оптоварување, пренесува Н1.
фото freepic