Бизнис
ЗАВРШУВАЊЕ НА АВТОПАТОТ НИЗ АМАЗОНСКАТА ПРАШУМА, побара бразилскиот претседател, поради нискиот водостој на реките и прекин на речниот транспорт
11.09.2024
Претседателот на Бразил Луиз Инасио Лула да Силва побара од владата да го заврши автопатот низ недопрениот дел на амазонската прашума, наспроти противењето на научниците, дека тоа ќе предизвика еколошка катастрофа.
Бразилскиот претседател се наоѓа под притисок за да се заврши асфалтирањето на БР-319 како алтернатива за транспорт во време кога Амазонија се соочува со рекордна суша со што се намали водостојот во реките. Тоа предизвикува потешкотии во одвивањето на пловидбата низ реката Мадеира во северниот дел на Бразил, пренесува „Ројтерс“.
- Додека реката Мадеира беше пловна, автопатот немаше никакво значење, а кое го има сега. Ќе го завршиме автопатот со најголема одговорност, изјави Лула да Силва.
Изградбата на федералниот автопат БР-319, кој е долг околу 900 километри, од Порто Веља близу Боливија до најголемиот амазонски град Манауса, започна 1970 година, а овој проект беше напуштен. Изградените траси повторно прераснаа во џунгла. Делниците од двата почетни краја се изградени, но повече од 400 километри во средината на трасата се уште е земјен пат, а во дождливите периоди се претвара во големо мочуриште.
Една од научните студии предвидува дека со завршување на автопатот ќе дојде до петкратно зголемување на сечење на амазонската прашума до 2030 година, пренесува РТВ.
фото freepic