Бизнис
БОГАТИТЕ КУПУВАЧИ БИ ПЛАТИЛЕ 80.000 ЕВРА ЗА Е-АВТОМОБИЛ, но главниот проблем е времето на чекање за полнење и сигурноста во патувањето
09.09.2024
Европскиот пазар на батериски електрични автомобили би можело да заздрави во следната година благодарение на богатите купувачи кои се подготвени да платаат 80.000 евра за е-автомобил. Околу 40 отсто од потенцијалните купувачи на луксузни возила планираат во следната една година да купат електричен автомобил. Клучен фактор за одлуката за купување на електричен автомобил се сигурноста, комфорот и одржливоста, како и дигиталното искуство во користењето на автомобилите. Луѓето кои веќе имале искуство со електрични автомобили се помалку загрижени за прашањата за дометот на автомобилот и времето за полнењето. За другите, кои планираат да купат електричен автомобил главната дилема е колку ќе издржи автомобилот на ладно време, покажува истражувањето на Бостон Конзалтинг Груп, кое е спроведено меѓу пет илјади испитаници во Германија, Велика Британија, Франција, Италија и Шпанија.
За 44 отсто од испитаниците важно е времето и сигурноста за полнењето на електричните автомобили, достапноста на полначи, времето на чекање и трошоците за поставување на домашни полначи, пренесува „Политика“.
фото freepic