Бизнис
ЕВРОПСКОТО ГРАДЕЖНИШТВО ЌЕ ЗАЗДРАВИ ВО 2025, поединечно за земји, Франција и Германија и натаму заостануваат во обемот на изградбата
07.09.2024
Во градежниот сектор во Европската Унија годинава се очекува значајно намалување на активностите, но растот на градежништвото ќе се врати во 2025 година. За годинава обимот на градежни работи ќе се намали за 1,5 отсто, се наведува во извештајот на холандската банка ИНГ.
Европскиот завод за статистика неодамна ја зголеми стапката за изградба во ЕУ за 2023 година од 0,1 отсто на 1,4 отсто. Долгите рокови на испорака придонесоа за намалување на обемот на нестанбени и станбени згради, затоа што и компаниите и граѓаните се откажуваа од вложувања во нови недвижности.
Во секторот реновирање се очекува зголемена побарувачка до крајот на годината и во 2025 година. Ист тренд се очекува и во изградбата на инфраструктурни проекти.
Во 2025 година се очекува пазарот за станови да расте и да се издаваат повеќе градежни дозволи.
Поединечно за земји, Франција и Германија и натаму заостануваат во обемот на изградбата. Градежништвото во Германија се намали за 2,6 отсто во вториот квартал годинава. ИНГ проценува дека француското градежно производство ќе се намали за еден отсто. Во Холандија изградбата на станови се стабилизираше, а во Шпанија расте градежното производство, а лани оствари силен раст од 4,5 отсто. Но шпанскиот градежен сектор се уште се обидува да се врати по големиот пад од 25 отсто во 2019 и 2022 година, пренесува „Инвеститор.ме“.
фото freepic