Бизнис
ВИСОК РАСТ НА ПРЕKУВРЕМЕНИТЕ РАБOТНИ ЧАСОВИ ВО ГРЦИЈА, најголем број на прекувремени часови имало кај работниците во супермаркетите
06.09.2024
Во Грција е забележан пораст на пријавените прекувремени работ ни часови од кога почна да се применува дигиталната работна картичка, изјави заменик премиерot на Грција и портпарол на владата Павлос Маринакис.
Зголемениот број на прекувремени работни часови е регистриран во првите седум месеци од 2024 година во однос на истиот период лани. Најмногу прекувремени работни часови имало кај работниците во супермаркетите и тоа за 61,2 отсто.
Дигиталната работна картичка е воведена за да се заштитат правата на работници и да се намали искористувањето на работниците од некои работодавачи, непријавување на вишокот на работни часови и фалсификување на податоците.
Дигиталните картички се воведени во 2022 година и успешно се применуваат во банките и големите супермаркети, а во 2023 година има подобрување и во јавните комунални претпријатија, осигурителните друштва и компаниите за обезбедување .
Од први јули годинава обврската за користење на дигиталните работни картички имаат и индустриските претпријатија и фирмите во малопродажбата кои вработуваат повеќе од десет луѓе, пренесува „Бизнис.рс“.
фото freepic