Бизнис
ВО НОРВЕШКА ПРОДАЖБАТА НА Е-АВТОМОБИЛИ Е НАД 90 ОТСТО
03.09.2024
Во Норвешка продажбата на електрични модели на автомобили се зголемува, додека во Европа продажбата на е-автобили се намалува во корист на хибридните возила.
Норвешкиот сојуз за патнички сообраќај (ОФВ) соопшти дека 94,3 отсто од новорегистрираните автомобили се на електричен погон. Претходниот рекорд на купени е-автомобили во Норвешка беше 92 отсто во јануари годинава.
Норвешка има за цел до 2025 година да се продаваат само електрични возила, десет години пред рокот што го определија од Европската Унија. Затоа во земјата се воведени даночни олеснувања што ги прави електричните возила поконкурентни од другите возила на бензиски погон.
Електричните автомобили во јули учествуваа со 12,1 отсто од продажбата на нови автомобили во ЕУ. Учеството на моторните возила на бензин е 33,4 отсто, на хибридните возила 32 отсто и дизел возилата со 12,6 отсто, информираат од Здружението на производители на автомобили АЦЕА, пренесува Н1.
фото freepic