Бизнис
ВО АВГУСТ РУДАРЕЊЕТО НА БИТКОИН СО НАЈНИЗОК ПРИХОД, месечното намалување е за 10,5 отсто
03.09.2024
Приходите од рударење на криптовалути во август достигна 827,56 милиони долари, што е намалување од 10,5 отсто, во однос на претходниот месец кога изнесуваше 927,35 милиони долари, покажуваат податоците на Битбо.
Августовскиот промет претставува пад од 57 отсто споредено со врвот од март 2024 година, кога биткоинот достигна највисока историска вредност од 73.500 долари.
Минатиот месец беше најслаб за рударењето на биткоинот од септември 2023 година. Неговата вредност изминатите денови се движеше околу 57.315 долари.
Во меѓувреме, бројот на „ископани“ биткоини за август се намали на 13.843 BTC од 14.725 BTC во јули.
Зголемените потешкотии и намалување на профитабилноста на рударењето на биткоини принуди некои од рударите да се преориентираат кон вештачката интелегенција или пренасочување на приходите во други профитабилни бизниси, пренесува „Сеебиз“.
фото freepic