Бизнис
ЦРНА ГОРА ЦЕЛОСНО ЗАВИСНА ОД УВОЗОТ НА ХРАНА, црногорскиот увоз на храна е 16 пати поголем од извозот
02.09.2024
Црна Гора од 2018 го 2022 година во просек имала 16 пати поголем увоз на храна од извоз, додека покриеноста на увозот со извозот на храна во земјата во 2022 година изнесувала само 6,8 отсто. Овие податоци јасно покажуваат на сериозна нестабилност во трговиската размена со храна, на која се посочува и во студијата за „Регионална трговија со храна и енергетика - факти за Црна Гора и земјите од Западен Балкан“, која е изработена од Институтот за стратешки студии и проекции (ИССП).
- Студијата открива значителна нерамнотежа во трговијата со храна во Западен Балкан. Србија е единствена земја, која остварила суфицит во трговијата со храна. Црна Гора и Косово се соочуваат со значителни дефицити. Косово има десет пати поголем увоз од извоз на храна. Овие земји се високо зависни од увозот на храна, посебно за време на туристичката сезона, кој е главна причина за високиот увоз на храна, се наведува во студијата на ИССП.
Има повеќе причини за високиот дефицит во трговијата со храна во Црна Гора. Земјоделскиот сектор во земјата е фрагментиран, со просечно мали површини на нивите и со ограничен капацитет за производство на храна. Трајните насади и обработливи површини се само 4,8 отсто од вкупното земјоделско земјиште, што дополнително се одразува на ниската продуктивност во земјоделското производство, пренесува Б92.
фото freepic