Бизнис
ИТАЛИЈА САКА ГОЛЕМО ПОКАЧУВАЊЕ НА ТУРИСТИЧКИТЕ ТАКСИ, гостите да плаќаат надомест до 25 евра за едно ноќевање
01.09.2024
Во Италија се предлага драстично зголемување на туристичката такса за да им се помогне на градовите со намалени приходи, но и да се натераат туристите да се однесуваа „поодговорно“ во време кога јакне јавното незадоволство поради прекумерниот туризам. Здруженијата на хотелски и туристички претпријатија реагираат на новиот фискален план, со кој се предвидува гостите да плаќаат надомест до 25 евра за едно ноќевање за најскапите хотелски соби.
Во новиот предлог на владата, се предвидува зголемување на горната граница на туристичката такса на пет евра за лице за ноќевање во соба која чини помалку од 100 евра. Десет евра за ноќевање за соби кои чинат од 100 до 400 евра, 15 евра за соби со цени на изнајмување од 440 до 750 евра и 25 евра за соби кои чинат повеќе од 750 евра, пренесува „Фајненшел тајмс“.
Здружението на големите хотели и глобални синџири предупредуваат дека Италија веќе се соочува со силна конкуренција од другите европски дестинации и дека може да ги изгуби гостите поради зголемување на туристичката такса, кои и сега се високи.
Министерството за туризам во Италија најави орагнизирање на „дијалог“ со релевантните туристички организации, но напоменуваат дека пердлозите за новите такси се во насока за подобрување на услугите и да ги направат гостите поодговорни.
Италија се соочува со големи притисоци на јавните финансии и ММФ предвидува дека нејзиниот долг годинава ќе достигне 140 отсто од БДП, пренесува „Бизнис.рс“.
фото freepic