Бизнис
ШПАНИЈА СО НАЈВИСОКА СТАПКА НА НЕВРАБОТЕНОСТ, во еврозоната невработеноста во јули изнесува 6,4 отсто
01.09.2024
Сезонската прилагодена стапка на невработеност во еврозоната во јули годинава е 6,4 отсто или 10,9 милиони. Во Европската Унија невработеноста во јули изнесува 13,1 милион лица, објави Еуростат.
Во споредба со јуни 2024 година, невработеноста во ЕУ е намалена за 82.000 и за 114 илјади во еврозоната. Невработеноста е помала и во однос на јули минатата година за 72.000 во Унијата и за 190 илјади во еврозоната.
Стапката на невработеноста кај младите во ЕУ е 14,5 отсто, а во еврозоната е 14,2 отсто.
Најниска стапка на невработеност во јули забележа Чешка (2,7 отсто) и Полска (2,9 отсто), а по нив се Германија, Малта и Словенија.
Највисока стапка на невработеност во јули имале Шпанија (11,5 отсто0 и Грција (9,9 отсто), a потоа во Финска, Шведска и Литванија, објави „Капитал.ба“.
фото freepic