Бизнис
ФРАНЦИЈА СО НАЈГОЛЕМ РАСТ НА ЦЕНИТЕ НА ТУРИСТИЧКИТЕ АРАНЖМАНИ, три земји од ЕУ ги намалиле цените на туристичките пакети
30.08.2024
Потрошувачките цени на пакет аранжманите за летување во Европската Унија во јули 2024 година се повисоки за 6,6 отсто во однос на јули 2023 година, соопшти денеска Европската агенција за статистика (Еуростат).
Во јули годинава повеќето земји од ЕУ пријавиле пораст на цените на пакет аранжманите кои се продавале во нивните земји. Цената на домашните пакет арамжмани се зголемени за 11,1 отсто, а цената на меѓународните аранжмани за 5,7 отсто.
Најголем раст на цените е забележан кај туристичките аранжмани во Франција за 22,2 отсто, додека во Италија и на Кипар е забележан раст од 19,5 отсто, односно 16,7 отсто.
Три земји од ЕУ пријавиле намалување на цените на аранжманите. Тоа се: Малта за 2,9 отсто, Финска за 2,7 отсто и Данска за 0,2 отсто, објави НИН.
фото freepic