Бизнис
ПРОДОЛЖУВА СТАГНАЦИЈАТА НА ГЕРМАНИЈА, ПОРАСТ НА НЕВРАБОТЕНОСТА, во август се огласени помалку слободни работни места
30.08.2024
Невработеноста во август во Германија се зголеми на 6,1 отсто, а без работа се 2,87 милиони лица. Стапката на навработеност на месечно ниво порасна за 0,1 отсто, а само во однос на јули има нови 63.000 невработени, објави денеска германската Сојузна агенција за вработување со седиште во Нирнберг.
На годишно ниво невработеноста во Германија се зголеми за 176.000 во однос на август 2023 година , пренесува „Билд“.
- Пазарот на труд и натаму ги чуствува последиците од економската стагнација. Невработеноста и недоволната вработеност продолжи да расте и во текот на летото, изјави Андреа Налес, директорка на Сојузната агенција за вработување.
Економистите се загрижени од помалата побарувачка за работници од германските компании. Во август во агенциите за вработувања биле огласени 699.000 слободни работни места, што е за 72.000 помалку од пред две години, пренесува „Политика“.
фото freepic