Бизнис
КОЈ РАБОТИ НАЈМНОГУ МЕСЕЦИ ЗА ДА КУПИ ПОЛОВЕН АВТОМОБИЛ, во повеќе европски земји просекот е над десет месеци
27.08.2024
Moжноста за купување на автомобил значително се разликува од земја во земја, а зависи од понудата на пазарот на автомобили и од просечната плата на граѓаните. Анализата на пазарот на половни автомобили во 23 европски земји покажуваат дека е потребно просечно десет месеци работа за да се купи просечен половен автомобил. Во Србија е потребно да се одвојат 14 месечни плати за купување на половен автомобил, пишува „Политика“, пренесувајќи ги податоците од истражувањето на компанијата за податоци на автомобили карВертикал.
Од 23 земји кои се опфатени со анкетата, Србија е на трето место според времето потребно за купување на половен автомобил со 14,7 месечна работа. На Португалците им треба 22,4 месеци време да заштедат за половен автомобил. Во Романија се потребни 15,4 месеци. На граѓаните во Финска можат да си купат „нов“ автомобил за 2,7 месеци. На Германците ќе им требаат шест месеци, а на Швајцарците 6,1 месец.
Во Унгарија треба да работат 11,2 месеци за половен автомобил, Хрватите 11,7 месеци.
Финансиските експерти советуваат дека не е паметна одлука да се потроши повеќе од половина годишна плата за автомобил. Меѓутоа, купувачите во повеќето земји не се држат строго до ова правило и се одлучуваат да купат поскапи модели.
Според сајтовите за продажба на половни автомобили, купувачите во Србија најчесто се подготвени да одвојат околу 9.900 евра. Просечната плата во Србија е 680 евра.
Швајцарија е на врвот на листата со просечната цена на половен автомобил од 39.000 евра, а просечната плата во земјата е 6.377 евра. Австријците во просек издвојуваат 28.500 евра за автомобил (плата 2.600 евра) и граѓаните во Португалија со 24.200 евра (плата 1.100 евра).
Најмалку пари за половен автомобил издвојуваат во Украина околу 5.000 евра, а во Финска за 8.000 евра, но има големи разлики во платите во овие земји, пишува „Политика“.
фото freepic