Бизнис
DHL Express инвестира повеќе од 40 милиони евра за изградба на европски хангар за одржување на авиони на аеродромот Виторија
27.08.2024г.
• Се очекува да биде оперативен до средината на 2027 година, и првично ќе вработува околу 50 луѓе
• Локацијата и капацитетот на аеродромот Виторија, заедно со поддршката од локалните администрации, се клучни за донесување на одлуката
• Новата зграда ќе биде карбон-неутрална, во согласност со целта на групата DHL да постигне “Нула Емисии” на јаглерод до 2050 година
DHL Express Шпанија најави дека има во план да инвестира повеќе од 40 милиони евра за развој на нов европски хангар за одржување на авиони во Виторија-Гастеиз, зајакнувајќи ја улогата на Шпанија во глобалната стратегија на компанијата. Се очекува да биде оперативен до средината на 2027 година и новиот објект ќе биде вториот најважен центар за одржување на DHL Express во Европа после Лајпциг, Германија.
„Возбудени сме да потврдиме дека новиот европски хангар за одржување на авиони на DHL Express ќе биде лоциран во Виторија-Гастеиз. Тоа е клучно за обезбедување на капацитетот за одржување на авиони во наредните години врз основа на очекуваниот раст на бизнисот“, вели Хесус Санчез, Senior Vice President Hubs & Gateways во DHL Express Европа. „Објектот не само што ќе го намали притисокот во Лајпциг врз операциите за поправка, туку и ќе обезбеди можности за локалните квалификувани работници, особено техничарите за авијација.“
Хангарот, во кој првично ќе бидат вработени околу 50 лица, ќе се фокусира на задачи за одржување на флотата B757 на DHL или други авиони на компанијата. Покрај хангарот, објектот ќе вклучува канцелариски простории и складишта за алати и главни делови на авиони како што се мотори, APU системи, слетувачка опрема и реверзери за потисок.
„Локацијата на Виторија-Гастеиз, близината до европските земји и Мароко, капацитетот и оперативните можности на аеродромот Виторија, како и поддршката која што ја добивме од јавните институции и локалните власти ја направија идеална локација за оваа намена“ додава Томас Холгадо, Vice President of Hubs & Gateways во DHL Express Шпанија.
„Новиот објект ја потврдува посветеноста на DHL Express за континуирана инвестиција во Шпанија, која е клучен играч во нашата глобална стратегија.“ Новиот центар ќе биде лоциран западно од постоечкиот хаб на DHL Express на аеродромот Виторија, на површина од повеќе од 19,700 метри квадратни. Ќе содржи 6,600 метри квадратни хангарски простор, 1,605 метри квадратни надворешни објекти и 11,500 метри квадратни писта. Press release Во согласност со целта на DHL Group за “Нула Емисии” на јаглерод до 2050 година, новиот хангар ќе биде карбон-неутрален. Тој исто така ќе помогне DHL Express значително да ги намали годишните емисии на стакленички гасови преку намалување на бројот на летови до локации за одржување кои не се дел од DHL мрежата во Европа. Центарот понатаму ќе понуди дополнителен бенефит како пократка релација за поправки и обновување на авионите кои се надвор од употреба на Пиринејскиот полуостров.