Бизнис
ПОЛСКА НАЈАВУВА ЧЕТИРИДНЕВНА РАБОТНА НЕДЕЛА ДО 2027 ГОДИНА, Полјаците во просек работат 40,5 часа неделно,
26.08.2024
Полската влада на премиерот Доналд Туск потврди дека пред истекот на мандатот во 2027 година ќе го смени Законот за работа за да може да се намали работното време во земјата. Засега во опција се два предлога: воведување на четиридневна работна недела или седумчасовен работен ден, пренесува „Ројтерс“.
За четиридневна работна недела има повеќе приврзаници и за оваа опција има поддршка од 70 отсто од работодавачите.
- Студиите покажуваат колку подолго работиме, толку повеќе сме под стрес и сме поуморни. Уште еден час подолго на работа не значи и еден ефикасен час повеќе, изјави полската министерка за семејство, труд и социјална политика Агњешка Џиемиановиќ-Бок, која е главен заговорник за оваа промена.
Од друга страна, поединци во Владата на Полска изразиле сомневање и сметаат дека воведувањето на четиридневна работна недела не е вистинско решение за земјата која е погодена со демографска криза.
Според податоците на Евростат, Полјаците во просек работат 40,5 часа неделно, и ова е најдолгото работно време после Грција. Просекот во ЕУ е 37,5 часа, а глобалниот просек.
Предлогот за намалување на работната недела ќе и користи на владејачката коалиција во кампањата за претседателските избори во 2025 година, пренесува „Политика“.
фото freepic