Бизнис
ЗЛАТОТО ЌЕ ПОСКАПИ ПОРАДИ СЕЗОНАТА ЗА ВЕНЧАВКИ ВО ИНДИЈА, во јули Индија ги намали увозните царини на златото
26.08.2024
Побарувачката за злато во Индија пред претстојната празнична сезона ќе влијае на нов скок на цената на овој благороден метал, проценуваат аналитичарите. Индија ја намали царината за увоз на злато пред почетокот на хиндуистичкиот фестивал, што ќе ја поттикне потрошувачката на златен накит во оваа земја, која е втор најголем потрошувач во светот.
Индија во јули ги намали увозните царини на златото од 15 на шест отсто, со цел да го намали шверцот на накит. Побарувачката за злато во Индија се засилува кон крајот на годината, што се поклопува со традиционалната сезона на венчавки и големиот фестивал. По намалувањето на царините, цените на злaтните предмети во малопродажбата се намали, а порасна побарувачката. Се очекува овој тренд да продолжи и следните месеци.
Глобалните цени на златото минатата недела достигнаа рекордно ниво, а на пазарот во Индија изнесуваше околу 765 евра за 10 грама. Цената на златотто на светскиот пазар достигна рекордно ниво од 2.550 долари за унца, пишува „Индекс“.
фото freepic