Бизнис
АКЦИСКИТЕ ПРОДАЖБИ ВО МАРКЕТИТЕ СЕ СПАС ЗА НАМАЛЕНИОТ СТАНДАРД НА ГРАЃАНИТЕ, прометот на трговците остварен од акциски продажба во Србија достигнува до 60 отсто
25.08.2024
Вредноста на приходот остварена во акциските продажби претставува од 30 до 60 отсто од вкупниот промет во српските продавници, покажува анкетата која ја спроведе Народната банка на Србија. Истражувањето кое било спроведено во шест трговски синџири во земјата укажува на промените на однесувањето на српските граѓани, кои се повеќе даваат значење на акциите поради намалување на цените на производите. На ова најголемо влијание имала високата инфлација и зголемување на цените на производите, а тоа се одрази и на структурата на потрошувачката кошничка на домашните потрошувачи.
Акциската продажба во важечките закони за трговија се дефинира како „продажба на стоки и услуги по цени кои се пониски од претходните во траење не подолго од 31 ден“.
Во Белата книга на Советот на странските инвеститори се дава предлог за продолжување на акциската продажба на два месеца, бидејќи тоа ќе им „користи на потрошувачите и на трговците“.
Зоран Николиќ, потпретседател на Националната организација за заштита на потрошувачите на Србија нема никаква дилема дека високиот процент на акциска продажба во вкупниот промет на трговските синџири во Србија не е последица на конкуренцијата, туку исклучиво на слабата куповна моќ на потрошувачите, објави „Блиц“.
фото freepic