Бизнис
СИЛЕН РАСТ НА БИТКОИНОТ ПО НАЈАВИТЕ ОД ФЕД, прогнозите се дека во септември ќе достигне вредност од 84.000 долари
25.08.2024
Цената на биткоинот се искачи на 65.000 американски долари во вчерашното терминско тргување, а на спот пазарите вредноста се стабилизира на 64.000 долари. Овој значителен раст следеше по најавата од Федераните резерви за намалување на каматните стапки во септември.
Најтргуваната криптовалута може да се најде во состојба за постигнување на највисоката вредност во историјата. Според принципот на Елиотов бран, надминување на границата од 62.000 долари може да сигнализира нов раст преку пет помали бранови на линијата на растот, сметаат аналитичарите. Овој статистички принцип претпоставува дека финансиските пазари се движат низ повторувачки циклуси, односно бранови кои го определуваат растот од првиот до следниот пад во препознатлива низа.
Сега се прогнозира дека биткоинот може да достигне вредност од 84.000 долари до средината на септември. Но, треба да се има предвид дека пазарот на криптовалути е премногу променлив и е подложен на брзи растежи и падови. Секоја одлука за инвестирање во криптовалути мора да се базира на најновите информации и на нивните краткорочни влијанија, пренесува „Бизнис.рс“.
фото freepic