Бизнис
НЕВРАБОТЕНОСТА ВО РАЗВИЕНИТЕ ЕКОНОМИИ СЕ ЗГОЛЕМИ ВО ПОСЛЕДНИТЕ ШЕСТ МЕСЕЦИ
24.08.2024
Стапките на невработеност се зголемени во голем број развиени економии во последните шест месеци, објави во својот извештај во петокот агенцијата „Фич рејтингс“.
Стапките на невработеност се во пораст во САД, Велика Британија, Канада, Германија, Австралија и Швајцарија. Стапката на невработеност во јули во САД се искачи на 4,3 отсто, а една година претходно беше 3,5 отсто, додека во мај во Велика Британија се искачи на 4,2 отсто од 3,8 отсто во ноември 2023 година.
Во Канада, невработеноста скокна на 6,4 отсто во јули од пет отсто во јануари 2023 година, а во Германија се искачи на 3,4 отсто во јуни од 2,9 отсто во мај 2023 година.
Во Австралија, стапката на невработеност се зголеми на 4,2 отсто во јули, од 3,5 отсто во јуни 2023 година. Во Швајцарија, процентот на лицата без работа се искачи на 2,5 отсто во јули оваа година, од два отсто во јуни 2023 година, пренесе „Бизнис.рс“.
фото freepic