Бизнис
ГЕРМАНЦИТЕ СЕКОЈ ДЕН ПАТУВААТ ПО 30 КИЛОМЕТРИ ДО РАБОТА, во Минхен има најмногу работници кои патуваат
24.08.2024
Во Германија околу 20,5 милиони луѓе патуваат секој ден од дома до работа и назад, а 7,1 милиони од нив патуваат повеќе од 30 километри во една насока, објави германскиот институт за проучување на градови и урбанизам BBSR.
Во студијата нема податоци колку вработени дневно патуваат или колку од нив повремено работат од дома.
- Од 80 големи градови во Германија, населението од околината е најсилно привлечено од Минхен, информираат од BBSR.
Минатата година 454.900 луѓе кои работеле во главниот град на Баварија живееле надвор од градските општини. Следува Франкфурт со 404.800 работници, Хамбург со 391.900, Берлин со 391.200 и Келн со 305.200 вработени кои секојдневно патуваат на работа во градот. Бројот на работници-патници се зголеми за 140.000 по пандемските ограничувања во 2022 година.
Нивното учество во работната сила, сепак, остана стабилно на нешто помалку од 60 отсто. Учеството на вработените кои патуваат најмногу се зголемил во Хамбург, за 13.200, Минхен за 10.900, Берлин за 8.800 и Дизелдорф за 8.300 лица, објави ДПА.
фото freepic