Бизнис
ПАД НА СВЕТСКОТО ПРОИЗВОДСТВО НА ЧЕЛИК, во јули Кина е со најголемо намалување
22.08.2024
Светското производство на сиров челик во јули се намали за 4,7 отсто на годишна основа, покажуваат податоците на Светската асоцијација за челик Ворлдстил.
Податоците покажуваат дека производството на челик од 71 земја, кои ги поднесуваат своите извештаи, се намалило на 152,8 милиони тони. Во периодот јануари-јули 2024 година, производството на челик е намалено за 0,7 отсто на 1,1 милијарди тони.
Кина, која е број еден производител на челик во светот, произведе 82,9 милиони тони челик, што е пад од девет отсто во споредба со истиот период лани.
Производството на челик во Индија е зголемено за 6,8 отсто на 12,3 милиони тони, додека во Јапонија е намалено за 3,8 отсто на 7,1 милиони тони во истиот период.
САД забележаа годишен пад во јули од 2,1 отсто, произведувајќи 6,9 милиони тони, а руското производство на челик во истиот период опадна за 3,1 отсто на 6,3 милиони тони.
Производството на челик во Бразил во јули се зголеми за 11,6 отсто на годишно ниво, достигнувајќи 3,1 милиони тони, додека Иран произведе 1,8 милиони тони во истиот период, што е намалување за 18,7 отсто.
фото freepic