Бизнис
ЕДНА ЗЛАТНА ПРАЧКА ЧИНИ НАД МИЛИОН ДОЛАРИ, нов рекорд на цената на златото на светскиот пазар
20.08.2024
Цените на златото денеска достигнаа нов историски максимум и една прачка во стандардна големина вреди повеќе од милион долари. Златото утрово достигна рекордни 2.513,79 долари за унца, пренесува „Гардијан“. Стандардната големина на златната прачка вообичаено тежи 400 унци.
- Неодамнешниот бум на побарувачката на злато може да се препише на очекувањата дека американската централна банка ФЕД ќе ги намали каматните стапки во следните месеци, вели Мет Брикман, аналитичар на капиталот.
Tој појаснува дека растот на цените е предизвикан и од поголемата побарувачка на централните банки за купување на овој благороден метал.
Цената на златото од почетокот на годината порасна за 22 отсто, а инвестицоната банка UBS очекува уште поголем раст на 2.600 долари за унца до крајот на 2024 година, пренесува РТВ.
фото freepic