Бизнис
ЗГОЛЕМУВАЊЕ НА ОТКУПОТ НА АЛКОХОЛНИ ПИЈАЛАЦИ И НА МЛЕКОТО, помал откуп има кај добитокот, живината и млечните производи
20.08.2024
Според податоците на Државниот завод за статистика, во второто тримесечје од 2024 година, откупот и продажбата на земјоделски производи изнесува 3 414 534 илјади денари и во однос на истиот период од претходната година се зголемени за 4,9 отсто. Кај откупот на земјоделски производи од индивидуалните производители е забележано намалување за 9,1 отсто, а кај продажбата на земјоделски производи од сопствено производство e забележано зголемување за 16,4 отсто.
Намалување на вредноста е забележано кај групите полјоделството (за 4,2 отсто) и овоштарство и лозарство (за 35,7 отсто).
Кај останатите групи на производи е забележано зголемување и тоа кај алкохолните пијалоци за 20,7 отсто , кај сточарството за минимални 1,9 отсто. Растот во оваа група се должи најмногу на откупот на млекото за 20,5 отсто. Кај сточарството кај сите други производи има намалување: добитокот за 5,6 отсто, живина и јајца за 28,3 отсто, кај млешните производи има намалување на откупот за 62,6 отсто.
Зголемување на откупот и продажбата на земјоделските производи има кај групата риба (за 19,3 отсто) и други производи (за 7,4 отсто), се наведува во соопштението на Државниот завод за статистика.
фото freepic