Бизнис
ПАД ВО ОТКУПОТ НА ДОМАТИ И ЖИТА, намален откупот од земјоделските индивидуални фармери
20.08.2024
Според податоците на Државниот завод за статистика, во второто тримесечје од 2024 година, откупот и продажбата на земјоделски производи изнесува 3 414 534 илјади денари и во однос на истиот период од претходната година се зголемени за 4,9 отсто.
Кај откупот на земјоделски производи од индивидуалните производители е забележано намалување за 9,1 отсто. Во јуни годинава има намалување и на продажбата од сопствено производство за 4,3 отсто во однос на истиот мeсец лани.
Во вториот квартал годинава има намалување во откупот и продажбата на земјоделски култури во полјоделството за 4,2 отсто. Кај житата намалувањето е за 3,5 отсто, кај индустриските растенија за 66,4 отсто и кај градинарските растенија намалувањето е 5,4 отсто. Во групата овоштарство и лозарство намалувањето на откупот и продажбата е за 35,7 отсто. Откупот и продажбата на овошје во вториот квартал е намалена за 51 отсто во однос на истиот квартал од 2023 година.
Во јуни годинава има намалување на откупот и продажбата на домати за 747 тони. Годинава во јуни се откупени 1.288 тони, додека истиот период лани биле откупени 2.035 тони, објави денеска Државниот завод за статистика.
фото freepic