Бизнис
„Витаминка“ Прилеп со зголемена добивка во првата половина на 2024 година
19.08.2024
„Витаминка” АД Прилеп за периодот јануари – јуни 2024 година оствари позитивен финансиски резултат искажан во неревидираниот консолидиран биланс на успех .Во извештајниот период е остварена добивка по оданочување во висина од 44,849 илјади денари (околу 730 илјади евра), која во споредба со добивката за истиот период од минатата година е зголемена. Ова пред се се должи на зголемените приходи на компанијата, се вели во образложението за остварените консолидирани резултати коe „Витаминка” гo достави до Македонската берза.
На 31.05.2024 година на Годишното собрание на акционери е донесена одлука за распределба на дел од нето добивката за исплата на дивиденда на акционерите на друштвото. Висината на дивидендата е во бруто износ 29.701.600,00 денари или 400,00 денари бруто по акција. Вкупните инвестиции во основни средства за првото полугодие во 2024 година изнесуваат 23,600 илјади денари. Генерално инвестицијата се однесува на купувањето на опремата, инсталација на фотоволтаична станица и градежно адаптирање. Во текот на месец мај 2024 година се реализира новата инвестиција во опрема од две високо автоматски линии за пакување на флипс, започната во 2023 година, што ќе придонесе да се зголеми продуктивноста и ќе се генерираат високи заштеди во работењето.