Наменското производство во Босна и Херцеговина во првите шест месеци оствари размена со странство  околу 155 милиони евра, а извозот изнесува 119 милиони евра или раст од 37 отсто во споредба со истиот период лани. Увозот е зголемен за 82 отсто и изнесува 35 милиони евра. 

-  Обемот на размената на наменската индустрија  во БиХ бележи кунтиниран раст. Во првото полугодие годинава има раст од 45 отсто, информираат од Комората за надворешна трговска размена.

Најмногу се извезува муниција во износ од 87 милиони евра и тоа претставува 73 отсто од вкупниот извоз, потоа следат експлозивите и оружјето.

Водечки извозни партнери се САД (23 отсто), Србија (11 отсто), Турција (10 отсто) и Словачка и Бугарија по девет отсто, пренесува „Срна“.

фото freepic