Германските извозници во првата половина годинава извезле повеќе производи во Полска отколку во Кина, што се објаснува како успех на големите компании, кои го диверзифицирале извозот  со цел да ја намалат зависноста од кинескиот пазар, покажала анализата на германскиот Одбор за источноевропски економски односи.

Податоците покажуваат дека извозот на стока во Полска годинава се зголемил за 4,6 отсто, на 48,4 милијарди евра. Извозот во Кина се намалил за 2,7 отсто на 48,2 милијарди евра. Полска се искачи на четврто место на најважни пазари за германската извозна индустрија, а Кина падна на петто место.

Германскиот извоз во источна Европа, во првата половина годинава благо се зголеми на 145 милијарди евра, додека вкупниот извоз е намален. САД годинава останува главен извозен пазар за Германија, потоа следат Франција и Холандија, пренесува „Бизнис.ба“.

фото freepic