Бизнис
ПАЃА ДОХОДОВНОСТА И ПРИНОСОТ ОД ОДГЛЕДУВАЊЕ ЈАБОЛКА, годинава родот во ЕУ е намелeн за 11,3 отсто
17.08.2024
Приносот на јаболката во Европската Унија годинава ќе биде за 11,3 отсто помалку од лани, објави Светското здружение за одгледувачи на јаболка и круши WAPA на одржаната конференција во Будимпешта.
Во 2024 година во ЕУ ќе бидат набрани околу 10,2 милиони килограми јаболка, што е помалку од минатата година за 11 отсто, а во однос на тригодишниот просек намалувањето е 13 отсто. Во Хрватска годинашниот род се проценува на 61 илјади тони или за осум отсто помалку од лани.
Најголемо производство на јаболка во Европа остварува Полска, Италија и Франција, кои заедно произведуваат 7,6 милиони тони или 66 отсто од вкупното европско производство.
Потрошувачката на јаболка по жител во Европа се движи од околу 15,5 килограми годишно и во Хрватска околу 12,2 килограми.
Производството на јаболка во Европа во последните години забележува пад. Се намалуваат и површините со јаболка за 10 отсто во последните години.
Најголем пад на производство на јаболка во ЕУ има во Австрија за 54 отсто, Белгија 42 отсто, Чешка за 79 отсто, Германија за 21 отсто, Унгарија за 26 отсто и Полска за 25 отсто.
Поради климатските промени производството на јаболка е се понеизвесно и помалку доходовна дејност, а со тоа се намалува и интересот за одгледување кај овоштарите, пренесува „Сеебиз“.
фото freepic