Бизнис
ПРОДОЛЖУВА ДА ПАЃА ИЗГРАДБАТА НА СТАНОВИ ВО ГЕРМАНИЈА, не е исполнета целта на канцеларот за изградба на 400.000 станови
16.08.2024
Состојбата со изградбата на станови во Германија се одразува и на бројот на градежни дозволи, кој постојано се намалува. Во јуни властите издале само 17.600 одобренија за градба на станови.
Ова е за 19 отсто помалку од пред 12 месеци. Во првото полугодие издадени се 106.700 одобренија што е за 21,1 отсто помалку во однос на истиот период лани.
Кога канцеларот Олаф Шолц дојде на власт на крајот на 2021 година, тој постави за цел да гради 400.000 станбени единици годишно. Но, се помалку се шансите за исполнување на оваа цел.
Најголем пад во издавањето дозволи има за изградба на индивидуални семејни куќи: со 18.600 во првите шест месеци од 2024 година, што е за 30,9 отсто помалку од претходната година.
Изградбата на станови е под притисок од зголемените трошоци за изградба од пандемиската криза, а на ова следеше и поскапо финансирање под бранот на инфлација од претходните две години, пренесува „Сеебиз“.
фото freepic