Бизнис
ЗОШТО ВИЛИТЕ СО БАЗЕНИ ВО ИСТРА ОСТАНАА ПРАЗНИ?, ни Германците не можат да ja платат ценатa за изнајмување на куќа со базен
15.08.2024
Туристичкиот регион на Истра располага со капацитет од половина милион кревети ( двапати повеќе од бројот на жители), од нив 325.000 кревети се во приватното сместување. Приватниот сместувачки сектор во Хрватска растел побрзо во последните години. Просечно за една година се регистрираат 13.000 нови кревети. Но, ваквиот рапиден раст на приватното сметување, посебно на луксузните вили со базени, го зема својот данок во годинашната турстичка сезона. Само во Истра во периодот од 27 јули до 3 август на интернет платформите за изнајмување биле огласени 467 слободни куќи, на Кварнер 387 , во Далмација 405 викендици.
Просечната цена за дневно изнајмување на куќа со 150 метри квадратни и со базен чини од 280 до 300 евра. Некои од сопствениците на овие луксузни вили велат дека годинава пополнетоста со гости е драстично намалена. Кај некои изнајмувачи имало и 20 празни денови.
- Не ги намалувавме цените за изнајмување. Причината за слабата посетеност може да биде и европското првенство во фудбал и Олимпијадата. Поголемо интересирање имаше за куќите поблиску до морето, но објектите во рурална Истра слабо поминаа оваа сезона, вели сопственик на куќа.
Лорена Џон, претседателка на Здружението за семејно сместување во Истра вели дека посетеноста со гости е различна.
- Не е како лани, бидејќи има помалку гости од Германија. Рецесијата си го направи своето. Не можеме да ја процениме вистинската причина за помалкуте гости годинава. Следната сезона ќе биде вистински барометар, дали е причината големиот број на објекти, дали се цените или нешто трето, вели Џон.
Според неа, куќите за одмор кумулативно бележат пад на пополнетоста од 20 отсто во однос на минатата година. Празни куќи има и во Далмација која е за 30 отсто поскапа од Истра. Годинава во Хрватска има 50.000 кревети повеќе во однос на минатата година, пишува „Дојче веле“.
фото freepic