Бизнис
НАШИТЕ ГРАДЕЖНИЦИ СО ЗГОЛЕМЕНА РАБОТА ВО БУГАРИЈА И ЦРНА ГОРА, А СО НАМАЛУВАЊЕ ВО ГЕРМАНИЈА И СРБИЈА, вредноста на договорените работи повисока за 4,4 отсто
15.08.2024
Според податоците на Државниот завод за статистика, во периодот јануари – јуни 2024 година, вкупната вредност на договорените градежни работи во странство изнесува 199 737 илјади денари, што е за 4.4 % повеќе во споредба со истиот период од претходната година.
Во наведениот период, градежната оператива од Македонија во странство извршила градежни работи во вкупна вредност од 100 192 илјади денари, што е за 16.2 % повеќе во споредба со истиот период од претходната година.
Македонските градежници во првата половина на годината имаат зголемување на извршена работа во Црна Гора (219 отсто), во Бугарија (128 отсто) и Чешка (115 отсто), додека во Германија има намалување за 2,4 отсто и во Србија со голем пад од над 90 отсто, во споредба со првата половина од 2023 година.
фото freepic