Бизнис
ЕУ ГО ПОМИНА „ЕНЕРГЕТСКИОТ ПРАГ“ ЗА ОБНОВЛИВА ЕНЕРГИЈА, повеќе енергија од сонце и ветер, отколку од фосилни горива
15.08.2024
Од 27 членки на Европската Унија 13 произведуваат повеќе електрична енергија од ветер и сонце отколку од користење на фосилни горива. Меѓу нив се Австрија, Белгија, Данска, Финска, Франција, Германија, Унгарија, Литванија, Луксембург, Португалија, Шпанија, Холандија и Шведска, кои заедно учествуваат со 70 отсто од вкупната потрошувачка за електрична енергија во ЕУ.
Во првите шест месеци во 2024 година, Белгија, Германија, Унгарија и Холандија за првпат го поминаа овој „енергетски праг“. Белгија, Франција, Германија, Италија и Шпанија учествуваат со 75 отсто од вкупниот пад на производството на енергија од фосилни горива во ЕУ. Германија оствари најголем пад, поради намалување на користењето на јаглен за повеќе од 25 отсто од досегашното производство на енергија.
Европската Унија направи историски пресврт во енергетскиот сектор, а енергијата од ветер и сонце достигна рекордни 30 отсто од вкупното производство на електрична енергија во Унијата. Другите 43 отсто доаѓа од хидроенергијата, нуклеарната енергија и од други извори, пренесува „Србија Данас“.
фото freepic