Бизнис
ПОДЕЛЕНИ 967 ДОГОВОРИ ЗА ЗАКУП НА ЗЕМЈОДЕЛСКО ЗЕМЈИШТЕ, договорите се за доделување на 2700 хектари државна земја
15.08.2024
Денеска во општина Свети Николе беа додели 84 договори за закуп на земјоделско земјиште во државна сопственост со вкупна површина од околу 250 хектари, соопштија од Министерството за земјоделство, шумарство и водостопанство.
По четири јавни повици за давање во закуп на земјоделско земјиште во државна сопственост за површини дo три хектари, склучени се вкупно 967 договори за закуп со вкупна површина од околу 2700 ха.
Во текот на денешниот ден овие 967 договори веќе се поделени по подрачните единици. Најголем број на договори има во подрачната единица Свети Николе, Прилеп, Куманово, а во останатите подрачни единици има помал број на договори.
- Со овој процес кој што го заокружуваме сега, даваме силен фокус и силен приоритет да земјоделското земјиште биде ставено во функција на земјоделците. Знаеме дека во минатото имаше селективност во распределбата, но тоа ќе биде веќе минато, изјави министерот Цветан Трипуновски.
Во почетокот на месец септември, МЗШВ ќе распише јавни повици за преостанатото слободно државно земјоделско земјиште се со цел да се распредели и да се стави во функција за земјоделско производство.
фото freepic