Бизнис
ВО ЈУНИ СЕ НАМАЛИ ИНДУСТРИСКОТО ПРОИЗВОДСТВО ВО ЕУ, индустријата на Грција со највисок раст од 9,5 отсто
14.08.2024
Индустриското производство во еврозоната, според првите прелиминарни процени, во јуни се намали за 3,9 отсто на меѓугодишно ниво или за 0,1 отсто во однoс на мај. Во Европската Унија индустриското производство во јуни се намали за 3,2 отсто меѓугодишно, додека на месечно ниво нема промени, објави денеска Евростат.
На годишно ниво производството на интермедијарни производи во Европската Унија е намалена за 1,2 отсто, како и производството на капитални добра за 7,1 отсто. Производството на трајни потрошни добра се намали за два отсто. Најголем пораст има во производството на енергија за 2,6 отсто.
Најголем годишен раст на индустриското производство меѓу членките на Европската Унија е забележано во Грција за 9,5 отсто, во Кипар 8,8 отсто и Малта 6,3 отсто. Најголем пад има во Ирска за 17,4 отсто и во Хрватска за 8,3 отсто, пренесува „Политика“.
фото freepic